Tivardol

Preparat haqida

TIBBIYOTDA QO‘LLANILISHIGA DOIR YO‘RIQNOMA

TIVARDOL

Savdo nomi: TIVARDOL

Dori shakli: sirop

100 ml sirop tarkibi

Faol modda: Arginin — 500 mg

Yordamchi moddalar: natriy benzoat, kaliy sorbat, natriy saxarinat, tozalangan suv.

Farmakoterapevtik guruhi

Moddalar almashinuviga ta’sir qiluvchi vosita.

Farmakologik xususiyatlari

Arginin — oqsil sintezi, moddalar almashinuvini normallashtirish va yurak-qon tomir tizimi salomatligini saqlash uchun zarur bo‘lgan aminokislotadir. Organizmni detoksifikatsiya qilishga, jigar faoliyatini yaxshilashga, qon aylanishini kuchaytirishga, immunitetni oshirishga va o‘sish gormoni ishlab chiqarilishiga yordam beradi.

Qo‘llash uchun ko‘rsatmalar

·        Jigar kasalliklari (gepatit, sirroz);

·        Yurak-qon tomir tizimi buzilishlari;

·        Jismoniy va aqliy ish qobiliyatining pasayishi;

·        Jismoniy yuklamalardan keyin tiklanishni tezlashtirish uchun;

·        Moddalar almashinuvi va detoksifikatsiya jarayonlarining buzilishi;

·        Stress va surunkali charchoq.

Qo‘llash usuli va dozasi

Preparat ichga qabul qilinadi. Ishlatishdan oldin sirop solingan flakonni yaxshilab chayqatish kerak.

Tavsiya etilgan doza — kattalar: 5–10 ml siropdan kuniga 2–3 mahal.

Bolalar (3 yoshdan): 2,5–5 ml siropdan kuniga 2 mahal.

Siropni oz miqdordagi suv bilan ichish yoki ovqatdan oldin qabul qilish mumkin. Davolash kursining davomiyligi shifokor tomonidan belgilanadi, odatda 1–4 hafta.

Nojo‘ya ta’sirlari

Preparat komponentlariga yuqori sezuvchanligi bo‘lgan bemorlarda allergik reaksiyalar kuzatilishi mumkin.

Qo‘llash mumkin bo‘lmagan holatlar

·        Preparat komponentlariga individual intoleransiya;

·        Buyrak yetishmovchiligining og‘ir shakllari;

·        Homiladorlik va emizish davri (shifokor tavsiyasiga ko‘ra);

·        3 yoshgacha bo‘lgan bolalar (shifokor bilan maslahatlashish kerak).

Dori vositalari bilan o‘zaro ta’siri

Maxsus ehtiyot choralar talab etilmaydi.

Maxsus ko‘rsatmalar

Maxsus ehtiyot choralar talab etilmaydi. Preparat avtotransport va boshqa potensial xavfli mexanizmlarni boshqarish qobiliyatiga ta’sir qilmaydi. Yurak, buyrak yoki jigar kasalliklari surunkali kechadigan bemorlar preparatni qabul qilishni boshlashdan oldin shifokor bilan maslahatlashishlari kerak.

Dozani oshirib yuborish

Dozani oshirib yuborish holatlari aniqlanmagan.

Dozani oshirib yuborish holatlarida davolash simptomatik.

Chiqarilish shakli

100 ml flakon, qo‘llash bo‘yicha yo‘riqnoma bilan birga karton qadoqda.

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.

Bolalar ololmaydigan joyda saqlansin.

Yaroqlilik muddati

2 yil.

Yaroqlilik muddati o‘tgandan keyin qo‘llanilmasin.

Dorixonalarda berilish tartibi

Retseptsiz.

Ishlab chiqaruvchi

OOO “GENIUS PHARM”

Andijon viloyati, Andijon shahri, Sanoat ko‘chasi № 7.